Stelled d Schiiwerfer aa, ider Dämmerig
Näbelschwadä, schleierhafti Sicht, Näbelliächt
Methadon für dunngli Ziitä, Gägägift
ä Melodiä und än Ängelstimm
Lyrics zum Song „Näbelliächt“
<Hook>
Stelled d Schiiwerfer aa, ider Dämmerig
Näbelschwadä, schleierhafti Sicht, Näbelliächt
Methadon für dunngli Ziitä, Gägägift
ä Melodiä und än Ängelstimm
<Verse 1>
Beweg ich mich oder bliib i stah
Gseh nüüt. Alles wiis um mich
Beweg ich mich oder bliib i stah
Gseh nüüt. Alles wiis um mich
Orientiärig unsichtbar
Ha verlorä jedäs Ziel
Jede Schritt vilicht falsch
Lauf ich im Chreis oder nüd
Isch das äs Spiel oder würggli Wahr
Tag-Traum oder Fantasie
Dini Wort im Ohr wo mir sägäd
lauf wiiter
Öpper wartet hinder em Ändi scho uf dich
ä winziä Punggt im überschiinigä
Singendi Erinnerigä
Lauf zum fernä Näbelliächt hii
Wänn gämmer uuf
Alles Gleich. lass äs schliifä
Numä ich, falschi Ziit, wills begriifä
Da stünd ihr
äs Wunder was da zähme chunnt
Läb mit üch dr Traum
und träum nümmä ds Läbä lang
Bräched uuf
Eroberäd d Herz mit üsrem Klang
Lüchtet uus
Finsternis im hellä Gwand
Mit Gedicht ziänd mir üch i üsrä Bann
Ab jetzä nümmä gnuäg
Zum letschtä Wort
gaats nuch lang
<Hook>
Stelled d Schiiwerfer aa, ider Dämmerig
Näbelschwadä, schleierhafti Sicht, Näbelliächt
Methadon für dunngli Ziitä, Gägägift
ä Melodiä und än Ängelstimm
<Verse 2>
Näbel hüllt diä Landschaft i Zuggerwattä
bedeckt dr Bodä überall nimmt em d Luft zum atmä
Morgätau im Morgägrau liit uf dä Mattä
diä erschtä Sunnästrahlä, Näbelliächt mit hundert Schattä
Liächt wird brochä, Prisma Wunderwaffä
Farbäspiel, spektakulär wie Hundertwasser
doch tauchsch dri ab, isches wiä under Wasser
Je tüüfer dri, desto dunggler alles
dr Gmüätszuästand fahrt Achterbahn
Wechselsiitig Phasä zwüsched chännti äs paar Pflaster ha
häng mr alli Laschter aa, chänd mir alli gad amäl
oder nüt gits wo nüd schaffä chasch
Näbelliächt cha Hoffnig si wo schimmeret
Helligkeit i dungglä Ziitä doch au diä bebilderet – äs Bild malä wo du dich erinnerisch
öppis zämä cha erschaffä wo für immer bliibt
wenn dr Herbscht das nächschti mal am Winter wiicht
<Hook>
Stelled d Schiiwerfer aa, ider Dämmerig
Näbelschwadä, schleierhafti Sicht, Näbelliächt
Methadon für dunngli Ziitä, Gägägift
ä Melodiä und än Ängelstimm